壹方天地(龍華), 全深圳最大購物廣場, 真係好大好大, 分 A-E區 不同區域, 剛剛8月同仔女去玩(分別8歲5歲) - " 朗玩 "佢地開心到不得了呀! 朗玩·轟趴館·保齡球·電玩(壹方天地店) 你想像一下就係去左冒險樂園, 但一個入場費自由出入任你玩😂😂, 不過距離福田口岸比較遠, 但就一條線4號龍華線福田口岸直達, 龍華地鐵站出, 乘搭32分鐘後, 仲要行10分鐘左右, 不過都可以打車去, 就唔駛咁辛苦啦. 深圳 龍華 华壹方天地店 - 朗玩 在 壹方天地C區, 由A區行去C區都要10分鐘左右, 因為商場真係好大. 平日玩就會平D, 一大一小$133-205人仔, 點解個range咁闊呢, 因為d票都係去到現場我再用手機app大眾點評買, 當日係咩價我都即時買, 會比現場買便宜~ 唔好講咁多, 睇相啦! 龍華站A出口 行10分鐘左右 區與區經過時會有啲小店, 人仔10蚊串, 食串先 到達啦, 任玩嗰層係4樓 入到去先見到士LOOK架 入面有LOCKER免費放野, 人臉掃下就可用 任玩 仔仔最愛😂 瘋狂射水 人體入球 最正係棒球, 又唔多人玩喎 任你狂跳放電 仲有保齡球, roller,卡丁車(但要130cm以上同要現場登記, 預可以玩一次), 真係由早玩到晚, 可以掃code自由出入, 中間就可以食個lunch, tea, 收零晨2:00, 不過我地晚上到食飯就走啦. 因為大陸食野真係要6:00好去搵位, 唔係到7:00就有排等啦! 今次我地行程去龍華玩左日, 再住一晚, book左 - 雅好花園酒店(深圳龍華地鐵站店) , 我地格過價, 用apps "去哪兒旅行"訂最平, 我地分別訂左兩間房, 大床房1.8米床$261人仔, 雙床房1.1米床x2, $231人仔, 雙床房每張床可訓一大一小, 一啲都唔迫, 真係CP值好高, 雖然離 壹方天地8-10分鐘左右, 但呢個價錢同質素無得輸, 睇睇相先啦! 酒店冷氣足夠, 附近一條街都有小食店,...
留言
張貼留言