Rex媽親子世界玩樂好快樂

 meland（深圳福田中心城店） 深圳市福田區福田街道福華路領展中心城L1層RUG064A号商鋪(東大門農耕記旁邊) 講起meland, 有小朋友的家庭應該都聽過吓, meland有好多分店, 有meland同meland club, meland club就大點, 同多數有餐廳. 收費都會貴少許. 福田中心 領展中心meland吸引之處就是近! 方便! 在福田口岸只需乘搭兩個站就到達, 而且重要的是----一個價錢, 可以全日任出任入, 隨意出入. Rex媽去過兩次, 第一次在"大眾點評"買, 一大一小2次票人仔298, 可以兩大兩小一次用, 另一次就比較便宜買,  去到店同店員說4大3小, 就自行幫我計到最便宜,  只需500人仔有找, CP值好高.  價格會隨時變動, 去到店再問店員, 現場她們會再教客人買那些最方便! 會幫你計, 不用自己比價. 店開早上10:00, 我地10:30去到人不多, 但到了1:00午餐後就多人了, 所以建議大家一早起去, 起碼開始玩時不太多人, 再食完lunch番回來再玩. 看看相先啦! 門口打卡先, 門面好靚!入面有locker可放隨身物 官網相片, 好大好吸引 我用iphone隨手一拍都好靚!新淨. 早上10:30去到真是好少人(星期六) Rex仔一沖入來就玩跑馬機 睇Rex仔玩好似幾刺激 有條兩層樓高滑梯, 女女玩左好多次! 有衫仔換下影相, 有得玩假沙池, 彈床, 地方不算小, 足夠他們玩(5歲和8歲), 兩個人有時追逐一下, 十分開心! 是一個放電好地方, 最重要是可自由出入, 而且小朋友離開一定要用手帶code, 都會再問一吓是否同家長一起, 十分安全.  據知有些meland club是只可出去一次15分鐘, 如果只是玩3小時也是不錯的選擇. 有機會會試試其他meland. bye!

  深圳聖淘沙酒店(南山桃園店) 深圳南山區桃園路田廈國際中心桃園地鐵站A出口 - 桃園路与南光路交匯處田厦國際中心金牛廣場B座 離福田口岸13個站,乘搭33分鐘, 呢間酒店最吸引的, 是有一個無邊際網紅打卡泳池, 同一天我地在桃園站搭多5個站12分鐘, 去寶安中心-壹方城, 下一篇我地再介紹. 酒店離地鐵站十分近, 幾分鐘就到了. 看看相片.           大堂乾淨企理, 見網上話會upgrade房, 但我地無😂 格價後在"大眾點評"訂購, 500多人仔, 超值, 真的要不同網都格一下價. 雙人床, 兩大兩小無難度 不過地下好滑, 游完水要小心 今次租呢個叫VR房, 有VR玩, 不過比我時無電, 要叉完先可玩 妹妹5歲頭細算是玩不到, 會鬆動, Rex仔8歲OK, 玩了一個鐘! 官網相片 重頭戲-無邊際網紅打卡泳池, 游泳好大好大, 真的可以游泳那種, 小朋友要自帶水泡浮板, 會有locker 同消毒拖鞋提供, 真的CP值超高! 我地游了兩次, 小朋友開心到不得了! 深圳聖淘沙酒店(南山桃園店), 附近就沒有什麼特別, 但吃的店都會有, 如果作為游泳同睡一晚是很不錯的選擇, 因我地去寶安中心-壹方城, 在酒店搭多5個站12分鐘, 就可到達, 也可以在酒店乘搭兩個站就到 新高園站- 萬象天地, 方便之極! 推薦! (無任何廣告成份), bye!

  SPACELAB失重餐廳(深圳壹方城店) - 新湖路99号壹方城北区1层餐吧街第一家    四年前同Rex仔去過一次, 話說當時 壹方城剛開幕, 我地當時係喺旺角搭直通車直到. 今次喺搭地鐵, 因為前一日我地喺 南山桃園, 喺桃園站搭多5個站12分鐘, 去埋寶安- 壹方城. (如果喺福田口岸去寶安中心就要42分鐘)     當初之所以去, 係因為見到電視介紹, 覺得好吸引, 食物會經 軌道穿梭 旋轉 而過, 好似坐過山車一樣發出聲響, 送到餐桌上.  比Rex仔望望, 佢就好興奮話一定要去呀!     四年後佢都仲提住要去, 咁通咗關當然去吓啦!      餐廳分兩層, 第一層店員話會熱啲, 但相對旋轉位會多啲長啲, 比我再揀應會揀番去第一層坐, 因為會睇得精彩些. 來兩次都不需要等位. 提提大家, 並不是所有食物都可以 經 軌道送到, 用Ipad點餐, 入面會列明食物是否 經 軌道送, 要看清楚呀!  睇相先. 門外打卡位 上左二樓餐廳, 好多 旋轉 軌道 小朋友好興奮 叫左個258人仔套餐 Rex仔鍾意飲水果茶, 我就好鍾意飲香橙氣泡水, 好清新 墨魚麵辣的,小朋友吃不到, 選錯了😓 好熱氣 硬身雪糕 食完影下靚相                                  二樓有個位置睇卡通 重臨舊地, 慶幸餐廳沒有因為疫情結業, 小朋友還是很興奮, 食物也不錯吃, 是一間又食又玩的有趣餐廳, 相信會再有下次!  

    今次去左萬象天地搵食, 慶春樸門-米芝蓮素食餐廳, 本來一聽素食無好大興趣, 但聽到身邊好多人大讚, 就去試一試啦!    行程安排係第一日喺深圳聖淘沙酒店(南山桃園店), 離福田口岸13個站,搭33分鐘, 呢間酒店最正係有一個無邊際網紅打卡泳池, 同日我地去係桃園站搭多5個站12分鐘, 去埋寶安中心既壹方城, 係下一篇我地再介紹.    今次既行程就係新高園站- 萬象天地, 一出地鐵站就直到 萬象天地,  而 慶春樸門就喺 萬 象天地里巷3F@, 食物好高質吸引,  CP值超高, 環境優美, 店開11:00點, 我地11:15到達, 已經就來坐滿, 早起的鳥兒有蟲吃, 想食好野真係要早啲預時間到達.  一入到來個環境係亭園咁, 好舒服, 都好多人影相 入面燈光有啲暗, 當日個位上極都上唔到網, 收得唔好, 開左WIFI都唔得, 店員話多人上網中, 就問佢比本MENU 點食, 不得不說服務態度很好, 會細心問有冇特別需要.  每枱客人都會送烏梅汁, Rex仔話好好飲 桂花荔蒲芋頭$6人仔,  你無睇錯你$6人仔, 清甜好食 西湖糖醋藕$24人仔, 必叫必叫, 酸酸甜甜好好食呀! 招牌菜黑松露炒飯$56人仔, 香氣十足!必點大推! 松茸湯包$48人仔, 仔仔食左3隻😂 桂花酒釀丸子$6人仔, 酒味唔濃, 清清地, 好平好平! 泰式芒果飯$32人仔, 一般般 南洋肉骨茶$36人仔, 當然係無肉, 但個湯好好飲呀, 我飲左好多 四季時蔬$28人仔-蘿蔔好清甜 果木炭火煨羊肚菌舞茸湯$46人仔, 好多人叫, 好好飲, 飲完胃暖了 呢個有4件類似綠豆糕食物, 係店員送比小朋友食, 手快快已食2件 最後埋單$288人仔, 其實係美團都有套餐叫, 都係$200尾埋單, 不過自己散叫就多d選擇咁, CP值好高, 食物好高質, 特別係黑松露炒飯, 真係一試愛上, 到我們離開時, 門口已一大堆人, 真係建議大家假日11:15前好到達, 或晚上4:30, 應該都唔駛等位, 但過左就目測人潮超多. 慶春樸門會改變你對素食既諗法, 再有機會我都會再去幫襯! 今次介紹咁多先, bye!